FAQ Lidhje Kontakt Kërko Standarde
 


Mbledhje e Bordit Drejtues - DPS

 
 
 

Miratohen dy rregullore të brendshme dhe një marrëveshje dypalëshe

Bordi Drejtues i DPS-së mbajti mbledhjen e tij të radhës më 30 Qershor 2011. Në zbatim të pikave të rendit të ditës Kryetari i Bordit, z. Ilir Qerfozi, i dha fjalën Drejtorit të Përgjithshëm të DPS-së, z.Bashkim Muça, për të prezantuar ecurinë e punës së DPS-së për 6 mujorin e parë 2011.

Progresi i arritur gjatë këtij 6 mujori përkundrejt objektivave dhe planit vjetor të punës së DPS-së u vlerësua nga anëtarët e pranishëm.  


Më pas u kalua në pikën tjetër të rendit të ditës – ratifikimi i Marrëveshjes së Bashkëpunimit Teknik ndërmjet DPS-së dhe Institutit të Standardeve të Republikës së Bosnjes dhe Hercegovinës, BAS. Z. Muça bëri një pasqyrë të kuadrit që mbulon Marrëveshja, objektivat dhe përfitimet që ka DPS-ja dhe kompanitë private nga zbatimi i saj. Ai shpjegoi se për firmosjen e Marrëveshjes nga të dyja palët u shfrytëzua Konferenca e Parë Ballkanike me Organizmat Kombëtare të Standardizimit në Rajon, mbajtur në Ohër më 14-15 Qershor 2011.

Në vijim Bordi diskutoi mbi dy rregullore të brendshme të DPS-së, përkatësisht:

  • Rregullorja për organizimin dhe funksionimin e Forumit Kombëtar të Standardizimit pranë DPS-së; dhe
  • Udhëzues për delegatët dhe ekspertët shqiptarë që marrin pjesë në mbledhjet e Komiteteve Teknike të Standardizimit në nivel ndërkombëtar (ISO, IEC, CEN, CENELEC).

Njoftim i plotë / Fotografi