 |
|
Në datën 18 Qershor 2009 në Ohër të Maqedonisë, Drejtoria e Përgjithshme e Standardizimit (DPS) ka lidhur marrëveshje bashkëpunimi me Institutin e Standardizimit të Republikës së Maqedonisë (ISRM) dhe Institutin e Standardizimit të Malit të Zi (ISME).
Këto marrëveshje janë hartuar në kuadrin e një bashkëpunimi më të ngushtë midis organizmave homologe në rajon dhe do t’i shërbejnë shkëmbimit të eksperiencës në fushën e standardizimit kryesisht në plotësimin e kushteve me qëllim që organizmat tona të standardizimit të bëhen anëtare me të drejta të plota në CEN & CENELEC. Këto marrëveshje kanë gjithashtu për qëllim t’i shërbejnë: |
 Zbatimit në praktike të Marrëveshjes CEFTA të vitit 2006, Aneksi 1, Kapitullin IV, Nenin 13, i cili i referohet bashkëpunimit rajonal, bazuar në kompetencat dhe funksionet e secilit institucion; |
| Eliminimit të barrierave teknike në tregti ndërmjet Shqipërisë, Maqedonise dhe Malit të Zi; |
| Bashkëpunimit reciprok ne fushën e standardizimit, në zbatim të parimeve dhe rregullave të adoptuara nga organizmat Evropiane e ndërkombëtare në këtë fushe, për një sistem standardizimi sipas praktikave Evropiane e ndërkombëtare; |
| Promovimit tërëndësisë së proceseve në fushën e standardizimit dhe në fushën e vlerësimit të konformitetit ndaj kërkesave të standardeve; |
| Zhvillimit të ekonomisë dhe tregtisë rajonale. |
| |
Gjithashtu, nëpërmjet këtyre marrëveshjeve palët e interesuara apo bizneset/kompanite e ndryshme të prodhimit apo të shërbimeve mund të gjejnë shumë lehtë standardet shqiptare në fuqi të cilat kanë adoptuar ato evropiane e ndërkombëtare. Pra, këto marrëveshje do t’i vijnë në ndihmë asaj pjesë të popullsisë shqipfolëse në Republikën e Maqedonisë dhe Malit të Zi të cilët janë të interesuar për standardet evropiane e ndërkombëtare të adoptuara dhe të përkthyera në gjuhën shqipe. |
Njoftim  / Fotografi  |
