FAQ Lidhje Kontakt Kërko Standarde
 


 
Simposium për Produktet e Ndërtimit
 
Standardet e harmonizuara  janë  zgjidhja më e mirë për plotësimin e kërkesave të legjislacionit në fushën e ndërtimit. Ato hartohen mbi bazën e kërkesave të palëve të interesuara në zbatim të direktivës së ndërtimit dhe se zbatimi i tyre prezumon arritjen e cilësisë së kërkuar, rrit zotërimin e tregut dhe e bën produktin të konkurueshëm edhe për tregjet jashtë vendit - Këto ishin disa nga citimet e Drejtorit të Përgjithshëm të DPS-së, Bashkim Muça, në Simpoziumin “Për Produktet e Ndërtimit” të datës 30 Qershor 2010.

Z. Muça vuri nё dukje  se, DPS, ka adoptuar me prioritet dhe ndjek vazhdimisht statusin e standardeve Europiane të harmonizuara të ndërtimit, në mënyrë që Direktiva Europiane e Produkteve të Ndërtimit, e adoptuar në Shqipëri me ligjin Nr: 9290:2004 të përmbushë dy qëllimet e saj:

  1. tё ofrojё rregulla të njejta nё tё gjithe Europёn, nёpёrmjet tё cilave produktet e ndёrtimit tё mund tё demonstrojnё qё kanё nivele tё caktuara pёrformance;

  2. tё eliminojё pengesat teknike nё tregti pёr produktet e ndёrtimit, duke siguruar qarkullimin e lirё tё tyre nё vendet tё cilat e kanё adoptuar direktivën dhe standardet e harmonizuara europiane në zbatim të saj.

Simpoziumi u mbajt në ambjentet e Hotel Tirana International dhe u organizua nga projekti CARDS 2006 në bashkëpunim me Drejtorinë e Përgjithshme të Standardizimit dhe Drejtorinë e Përgjithshme të Akreditimit.


CARDS Ndërtimi i Institucioneve Shqiptare
"Standardizimi, Akreditimi dhe Vlerësimi i Konformitetit në Shqipëri"

Sektori i ndërtimit ka qenë historikisht ndër më të përhapurit në Shqipëri, por në cfarë mënyre funksionet e sektorit do të përfitontonin nga modernizimi dhe përmirësimi, për ta sjellë atë në përputhje me Bashkimin Evropian (BE) dhe praktikat ndërkombëtare. Në BE, prodhuesi, shitja dhe përdorimi i produkteve të ndërtimit është i mbuluar nga Direktiva e Produkteve të Ndërtimit (CPD) dhe Markës së Konformitetit "CE" , dhe Shqipëria është duke përparuar drejt miratimit të kësaj direktive.

  
Në Simpozium morën pjesë Z. Enno Bozdo, Zëvendësministër i Ekonomisë, Tregtisë dhe Energjetikës, i cili bëri edhe hapjen e tij; Z. Ivan Hendrikx, Team Leader i Projektit CARDS; Z. Patrick Reposeur, Ekspert i Projektit CARDS për Akreditimin; Z. Bashkim Muça Drejtor i Përgjithshëm i DPS; Z. Gëzim Karapici Drejtor i Përgjithshëm i DPA; Znj. Angjelina Kola Drejtore e Përgjithshme e DPM; Z. Ilir Qerfozi , Drejtor i Politikave të Ndërtimit në MPPTT; Z. Joze Kocar Drejtor për Tregun e Brendshëm në Ministrinë e Ekonomisë, Slloveni; përfaqësues të kompanive të ndërtimit në vend, etj.

Krahas prezantimeve të shumta që u dhanë, në Simpozium, u prezantua edhe Udhëzuesi për Materialet e Ndërtimit, i cili është një material që adreson zgjidhje dhe jep informacion për prodhuesit dhe ndërtuesit vendas, në zbatim të legjislacionit në këtë fushë. Hartimi dhe botimi i këtij Udhëzuesi u mundësua nga një grup ekspertësh të fushës në vend i drejtuar nga z. Adam Pinney – ekspert i projektit CARDS 2006.

Gjithashtu, gjatë Simpoziumit kompanitë private të sektorit të ndërtimit demonstruan produktet dhe shërbimet e tyre.
Kontaktet:

Web : www.dps.gov.al - Drejtoria e Përgjithshme e Standardizimit
Web: www.albanianaccreditation.gov.al - Drejtoria e Përgjithshme e Akreditimit