Standardi SSH ISO 22525:2020 ‘Turizmi dhe shërbimet që lidhen me të - Turizmi mjekësor - Kërkesat e shërbimit’

Standardi SSH ISO 22525:2020 përcakton kërkesat dhe rekomandimet që ofrohen nga personeli i kujdesit shëndetësor në turizmin mjekësor. Standardi synon të sigurojë shërbime mjekësore cilësore, që plotësojnë pritshmëritë e turistëve, të cilët udhëtojnë për arsye mjekësore si motiv kryesor.

Standardi 22525:2020 përfshin të gjithë përvojën e pacientit, duke filluar nga procedurat para udhëtimit deri në kthimin në shtëpi dhe ndjekjen, duke përfshirë menaxhimin e faktorëve të rrezikut, sigurinë, informacionin dhe komunikimin, kërkesat e kualifikimit dhe më shumë.